Tac Padilla pinag-iisipan ang PNSA presidency
MANILA, Philippines - Sinabi ni Nathaniel ‘Tac’ Padilla kahapon na maaaring kunin niya ang pagkapangulo ng Philippine National Shooting Association (PNSA)... o maaaring hindi.
“No plans yet as of now,†sabi ng 47-gulang na icon ng Philippine shooting.
Tinanong si Padilla kung may plano siyang tumakbo bilang presidente ng PNSA matapos lumabas ang mga balita na ayaw nang tumakbo ng kasalukuyang president na si Mikee Romero.
Nahalal si Romero, na nasa basketball, shooting, polo at ilang negosyo, bilang PNSA president noong June 2011 upang ituloy ang naputol na term ng nagbitiw na presidente na si Art Macapagal.
Maari nang tumakbo si Romero, may-ari ng multi-titled Harbour Center basketball team sa Philippine Basketball League, para sa four-year term ngayong taon ngunit sinabi niyang nais niyang bigyan ng pagkakataon ang iba.
“I will be doing a disservice to the association if I continue to cling to my position while I’m out (of the country) most of the time,†sabi ni Romero.
Matapos magbitiw bilang PNSA president si Macapagal, half-brother ni dating President Gloria M. Arroyo, tumugon si Romero sa mga panawagan na pamunuan niya ang shooting association.
Nais sanang labanan noon ni Padilla si Romero noon, ngunit hindi na lamang niya itinuloy ito at pinamunuan na lamang niya ang grassroots development program ng PNSA.
- Latest
