^

True Confessions

Monay (35)

Ronnie M. Halos - Pilipino Star Ngayon

Bago tuluyang umalis si Tito Nilo sinabi nito kay Joem na dadalo siya sa graduation nito.

“Ako ang alalay mo sa graduation,’’ sabi nitong nakatawa.

Mahigit isang buwan na lang at graduation na nila. Naisip ni Joem na ka­ilangan ay kumayod pa siya nang todo para mayroon siyang maibili ng isusuot na sapatos. Pudpod na ang kanyang sapatos. Puwede nang hindi siya bumili ng itim na pantalon na isusuot dahil maaari pa naman ang kanyang isinusuot. Puting long sleeves ang bibilhin niya.

Kailangang magdoble­ kayod pa siya sa pagti­tinda ng fishball para ma­­kaipon nang ibibili ng sa­patos at white long sleeves.

Kapag Sabado at Linggo, maaga siyang magtitinda at sasagarin niya hanggang gabi. Kapag nagsimula siya ng alas nuwebe ng umaga sa pagtitinda at matatapos hanggang alas diyes ng gabi, marami siyang maiipon para maipambili nang isusuot.

Kailangan lang ay tiis, tiyaga at sipag. Makakaya niya ang lahat.

Habang papalapit ang kanilang graduation, nag-alala naman si Monay ukol sa isusuot ni Joem.

‘‘Paano ang isusuot mo, Joem? Malapit nang graduation natin?’’

‘‘Nag-iipon pa Monay.’’

Napatangu-tango si Monay pero nasa mukha nito ang pag-aalala.

Makalipas ang dalawang linggo, nakaipon si Joem nang pambili ng white long sleeves at itim na sapatos. Mumurahin lang ang mga ito pero ma­aari na.

Nakahinga siya nang maluwag dahil kumpleto na ang isusuot niya sa graduation.

Araw ng graduation. Naghihintay si Joem sa pagdating ni Tito Nilo. Nasa compound na siya ng school. Sabi ni Tito Nilo sa school na lamang sila magkita.

Pero malapit nang magsimula ang seremonya­, wala pa rin si Tito Nilo. Nakalimutan yata na nga­yon ang graduation.

Hindi mapakali si Joem.

(Itutuloy)

NILO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user