Dingdong, nilahad ang goal sa aktor

Nailunsad na kamakailan ang official website ng Aktor PH na pinangunahan ni Dingdong Dantes. Bilang chairman ay umaasa ang Kapuso actor na mas ma­kilala pa ang mga artistang Pinoy sa iba’t ibang panig ng mundo sa pamamagitan ng bagong website. “Ito ‘yung parang representation natin hindi lang dito sa Pilipinas kundi pati in future purposes. Pati sa ibang bansa ‘pag may casting para sa mga artista. Ang goal namin, ito’y maging top of mind website na puntahan nila to search for all the actors in the Philippines,” naka­ngiting pahayag ni Dingdong.

Sinimulan ang naturang organisasyon noong 2020. Ang pamunuan nito ay mayroong layunin na magkaroon ng sapat ng benepisyo ang bawat miyembrong nagtatrabaho sa entertainment industry. “’Yung health insurance, ‘yan ‘yung isa sa pinaka-gap sa atin, sa mga workers in the industry. If you become a member, you are entitled to a certain benefit,” pagbabahagi ng aktor.

Jason, nai-inspire kay Sarah

Ipinagdiriwang ni Jason Dy ang kanyang ika-sampung taong ­anibersaryo sa industriya ng musika. Bilang selebrasyon ay gaganapin ang SoliDYfied: A Decade of Jason Dy concert sa June 27 sa Newport Perfor­ming Arts Theater.

Ayon sa singer ay kailangang pakaabangan ng kanyang mga tagahanga ang espesyal niyang concert. “This is gonna be like a retrospective din of the songs that have made a mark in my career. It’s gonna be a celebration of my music, and with the fans, with the DYfenders. Excited ako to put new twists and new arrangements and new sounds do’n sa mga kanta ko. May mga bago silang maririnig. Excited ako to perform with guests. Exciting po, marami silang aabangan. Mainly ‘yung genre natin is pop R&B. But we’re gonna be doing a little bit of rock also, some jazz. We’re gonna be experimenting with the arrangements of the songs,” pagdedetalye ni Jason.

Unang nakilala ang si­nger nang tanghaling grand champion ng The Voice Philippines Season 2 mahigit isang dekada na ang nakalilipas. Matatandaang si Sarah Geronimo ang nagsilbing coach kay Jason sa naturang programa. Malaki talaga ang pag­hanga ng singer sa Popstar Royalty noon pa man. “Ako fan na talaga ako ever since pa man. Sobrang thankful ko na siya ‘yung na­ging coach ko during the competition. And just looking at her and being around her, sobrang ins­piring na parang gusto mo ring ga­lingan. Gusto mo rin maging total performer. Gusto mong ibigay ‘yung 100% do’n sa performance mo,” paglalahad ng binata.

Kapag mayroong pagkakataon ay nakaka-bonding umano ni Jason si Sarah. Nangangarap ang singer na makatrabaho si Sarah sa isang proyekto. “Super rare na lang kasi super busy din ni Coach. Pero every time that we see each other, parang it’s like a reunion. I would love to see her more if given the chance. Sometimes we message, nag-i-interact kami sa social media. We haven’t done anything together na talagang recorded music. Hopefully, I can do a song with her and mag-collab kami. I’ve guested at her concerts, or we’ve been to same events. Pero, we haven’t written or recorded asong together. So hopefully, I can record a song with Coach,” kwento ng singer. (Reports from JCC)