‘My life is so complicated’ — Sharon

Taong 1984 nang magpakasal sina Sharon Cuneta at Gabby Concepcion. Nabiyayaan ng isang anak ang dating mag-asawa na si KC Concepcion.

Pagkalipas ng tatlong taon ay nagkahiwalay ang tambalang talagang minahal ng mga tagahanga. “We’ve lost so much, kaming tatlo. Ako, Gabby and KC. We could have had a good life with the three of us because Gabby and I, we’re okay. But things happened and up to now, it pinches me a lot. Kasi bilang nanay, kahit anong bigay mong materyal na bagay, ang gusto ng bata ay magkasama ‘yung magulang. That family should have remained a family. I did not imagine that, that family would break up. But then I wouldn’t have Kakie, Miel and Miguel (mga anak nina Sharon at Kiko Pangilinan). But that’s another thing. Maybe I should have stayed alone because parang nagdamay ako ng apat na kaluluwang inosente, KC, Frankie, Miel and Miguel. My life is so complicated and it might get more complicated. I just wish for my children whom I love more than life itself. I just wish I didn’t have to drag them into my very complicated existence,” emosyonal na pahayag ni Sharon sa amin sa Fast Talk with Boy Abunda.

Aminado ang aktres na nagkakaroon ng hindi pagkakaunawaan paminsan-minsan sa kanyang pamilya. Para kay Sharon ay normal lamang na nagkakaroon ng hidwaan ang isang pamilya. “When I’m hurt, the kids get hurt. There are some sibling squabbles and then the stepfather or the father gets involved until palaki nang palaki. You just have to say ‘Stop!’ Lumaki nang lumaki imbes na maayos. Basta no matter what, sana naman bago ako mamatay, okay na silang lahat. Hindi naman maiwasan, that happens,” naluluhang paglalahad ng Megastar.

Gloria, laging kabado

Mapapanood na sa mga sinehan simula ngayong Pasko ang Mallari na pinagbibidahan ni Piolo Pascual. Kabilang din sa naturang Metro Manila Film Festival 2023 entry si Gloria Diaz. Ayon sa Miss Universe 1969 ay talagang kakaiba ang kanyang nagawa ngayon sa isang pelikula. “Sabi ko I want to do this scary movie. Hindi ko actually alam the scary story. Although I read the script, hindi mo masyado ma-gets in the beginning. Until I got to talking with direk (Derick Cabrido) and a lot. Then I realized what I have to do and I said ‘Oh my God, kaya ko ba ito?’ So, on a whim I said okay, I want to do scary movie. Kasi when you think of scary movies ‘yun bang nanggugulat or parang exorcist. Never did I imagine, ganito pala. So, it was different and I hate having to play something I’ve done playing before. I think I’ve done about 180 movies. So, this was different,” pagdedetalye ni Gloria.

Sobrang napahanga ang dating beauty queen kay Piolo dahil sa pagiging magaling na aktor nito. Hindi ito ang kauna-unahang pagkakataon na nakatrabaho ni Gloria ang aktor. “I love him. He is so nice. I’ve worked with him before. At this time, I had more chance na manood sa kanya. Kasi siyempre kapag kaeksena ko siya, he is different. He is ma-appeal,” giit niya.

Kahit limang dekada nang aktibo sa show business ay aminado si Gloria na nakararamdam pa rin ng kaba pagdating sa trabaho. “I am still scared of many things. I think on the third shooting day parang lumakas na ‘yung loob ko. Every time I shoot talagang kinakabahan ako the first few days. I’m always thinking, ‘Ano kaya kung umatras na lang ako?’ I’m really like that. I’m always kabado,” nakangiting pahayag ng beauty queen-actress.

(Reports from JCC)