^

Negative sa COVID-19

Junas Dungog Flores (Pilipino Star Ngayon) - April 26, 2020 - 12:00am

CEBU, Philippines — Malipayong gipahibalo sa singer ug 2nd Lt. reservist sa Philippine Army nga si Ronnie Liang nga nag-negatibo siya sa COVID-19, human gipahigayon ang rapid testing  sa Philippine Army. “As an army reservist and frontliner, I am always exposed to any possible virus around. As mandated, I submitted myself to a rapid test. Thank God, the result is Negative,"post pa sa pilotong singer-actor.

Nag-piano concert

Nipahigayon og libreng piano concert sa Facebook account sa Regal Entertainment si Mother Lily Monteverde nga giulohan niya og "Good Vibes". Mga 30 minutos sab nga nagtukar og piano ang film producer sa mga paborito niining piyesa. Todo suporta sab ang mga anak niini nga nagsilbing audience sa gibuhat nga concert.

Milaban ni Marian

Gidepensaan sa aktres nga si Aiko Melendez ang kaubang aktres nga si Marian Rivera batok sa usa ka netizen nga giingnan ang ulahi nga “overacting” ra ang gihimo niining monologue atol sa nahitabong online fundraising show nga “Gabi ng Himala: Mga Kuwento at Awit”. “I must say me taste dn naman ako nagalingan ako ke marian opinion ka yan so they must respect it,”sigon pa ni Aiko.

Trending ang kanta

Daling nagtrending ang bag-ong single sa Kapuso singer nga si Julie Anne San Jose nga giulohang  "Better," nga gipagawas niadtong Biyernes, Abril 24. Nagtrending kini sa iTunes ug Spotify dili lang dinhi sa Pilipinas kung dili lakip na Singapore, Thailand, Vietnam, ug Indonesia. Kasamtangan nga banner sa  Spotify PH homepage ug face of Spotify New Music Friday playlist  si Julia Anne.

Gisapot sa basher

Gitubag sa komedyanteng si Pokwang ang usa ka netizen nga  nitawag kaniya og 'entitled'. Kini human niawhag ngadto sa mga celebrities nga magkahiusa sa pagbatok sa mga fake accounts nga gigamit ilang pangalan sa pagpangikil og kwarta.“O isa kapa! Anong entitled pinagsasa sabi mo? Tampalin kita dyan e! Ineng kung sanay karin magnakaw ituloy mo lang gaga ka!"Paghot pa ni Pokwang.

Wala pay gihilakan

Giasoy sa aktres nga si Julia Barretto nga wala pa siya kasuway nga nihilak sa mga tsismis kalabot kaniya. Gipaambit niya kini atol sa gipahigayon nga  ‘Out of the Box’ segment sa  Star Magic. “Wala. Not that I remember. Seryoso. Not that I remember. Wala pa naman,"butyag pa sa Star Magic talent.

Nangayo og pagsabot

Nangayo og pasensya ang Kapamilya actor nga si Daniel Padilla ngadto sa iyang mga supporters nga wala na kaayo siya nakaparamdam kanila sa social media human nabusy sa pagtabang ngadto sa uban taliwala sa COVID-19 crisis. Hilom matod pa nga nitabang ang aktor karon panahon sa krisis. Gipaambit niya kini sa online guesting niya sa Magandang Buhay atol sa iyang birthday niadtong Abril 24.

Mihagit sa netizen

Gihagit ni Ethel Booba ang usa ka netizen nga ipakita niini ang admin sa gideklara niyang fake Twitter account nga  @IAmEthylGabison. Gipamugos gyud sa netizen nga kaila ra ni Ethel ang admin sa maong account nga dugay nga panahon nga gituhoan  nga gipanag-iya niya. “Pakilala mo sakin dali di ako madamot baka kilala mo ako mismo mag aabot sa kanya,"sigon pa sa komedyante.

Proud mom

Mapasigarbuhong gipaambit sa aktres nga si Dimples Romana sa social media ang karsones nga gitahi mismo sa anak nila ni Boyet Ahmee nga si Callie. Gipalitan matod pa nila kini og sewing machine ug nagkat-on ra og iyaha unsaon pagpanahi. "The power of giving your children the freedom to be,"caption pa sa aktres sa maong hulagway.

'Grades are not everything'

Giasoy sa beauty queen nga si Shamcey Supsup nga dili matod pa sa tanang higayon himuong sukaranan ang grado sa katakos sa  usa ka tawo.

Apan giangkon niini nga "grade conscious" kaayo siya kaniadto sa nagtungha pa  sa University of the Philippines Diliman diin nigradwar siya nga magna cum laude sa kursong Architecture. "I grew up to be really 'grade conscious'. But now, I am more than certain that grades are not everything. Grades should be a byproduct of learning," asoy pa niini.

John Lloyd, Bea nipakilig sa netizens

Nimugna na sab og kasikas sa online world  silang John Lloyd Cruz ug Bea Alonzo human nag-post ang nauna sa Instagram og  sweet video clip nilang duha diin makita ang tiil sa duha samtang malipayong nag-estorya sa usag-usa.

Gi-captionan ni John Lloyd ang maong video og usa ka balak nga nagkanayon:

"Dalawang magkaibigan, Unahan nang unahan. Ang dalawang paa, Malaon nang nagsusunod. Hindi pa nag-aabot. Binte,"sigon pa sa aktor.  Tungod niini, gikilig ang mga netizens sa duha hilabi na ang ilang solid fans. Pagka-karon, aduna nay 116K ka views ang maong video. Sa pila ka tuig nga giintriga nga aduna sila'y relasyon, kusganong giasoy sa duha nga managhigala ra gyud sila. Parehong single silang Bea ug  John Lloyd karon. 

Smokey Mountain reunion

Gipahibalo sa National Artist for Music nga si Ryan Cayabyab nga magtapok og balik ang mga miyimbro sa 90s group nga Smokey Mountain alang sa upcoming May 3 episode sa "Bayanihan, Musikahan".

Ang Bayanihan, Musikahan usa ka donation program diin mopahigayon og concerts ang pipila ka mga  artists gikan sa tagsa-tagsa nila ka mga  panimalay aron makahipos og pondo alang sa tabanganan nga komunidad nga naapektuhan sa COVID-19 crisis.

Ang Smokey Mountain popular youth singing group kaniadto nga giporma ni Ryan niadtong 1989.

Nagpost si Ryan og teaser photo sa virtual reunion sa nahisgutang grupo diin makita ang mga miyimbro niini  nga silang Geneva Cruz, Tony Lambino, Jeffrey Hidalgo,  James Coronel, Chedi Vergara, Shar Santos, Jayson Angangan, ug Anna Fegi.

Pipila sa mga singers nga nipasundayag na sa Bayanihan, Musikahan kay mao silang  Lea Salonga, Gary Valenciano, ug Martin Nievera.                           

Human gi-launch niadtong Marso 18, nakalikom na ang maong proyekto og P62 million.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with