“?Love the hustle the struggle”

CEBU, Philippines -  Dili babag ang kahingkod sa pangidaron aron madughit ni Angel Mae M. Dakay ang korona sa Binibining Toledo 2014 sa edad nga 15 anyos.

Wala magtuo si Angel nga iya gyud nga makuha ang korona, gumikan kay daghan kaayong kauban niya nga mga kandidata nga tang-an na sa indigay sa kaanyag. Apan iyang gibuhat ang tanan ug naningkamot siya para makapakita sa iyang abilidad ug kaanyag atol sa pageant night niadtong Hunyo 11, sa Marcelo Barba Sports Complex sa siyudad sa Toledo.

Matud ni Dakay nga wala siya kasabot sa iyang gibati dihang siya ang gideklara nga Bb. Toledo 2014 niadtong gabhiuna.

"Dili nako ma-explain ang kalipay na akong gibati ato nga time, knowing nga I was crowned as the new Bb. Toledo. It was very overwhelming ilabi na nga ako ang unang gitawag na nasulod sa top 5 finalists after the preliminary Q&A portion. I was really blessed," saysay pa ni Dakay dinhi sa Banat News Hugyaw (BNH).

Dihang gipangutana siya sa iyang final question: "If given a chance to talk to the whole human race, what are going you to tell them and why?"

Ang tubag sa dalagita mao kini: "To act on ways on how to preserve Mother Earth is what I will tell to the whole human race. As we all know, we are now experiencing floods, we are now experiencing global warming, climate change and other environmental problems. We already know the ways on how to deal with these problems, but we did not act on it. So, now is the time to make a change, to make our move, not just for our future but also for the future of the next generation!"

Gawas sa titulo, si Dakay usab ang napiling Best in Swimsuit ug Miss Carmen Copper Corporation.

Mao na kini ang ikaduhang titulo ni Angel, ang una niyang korona mao ang Miss Alay Lakad 2012, diin siya usab ang napiling Miss Photogenic sa edad nga 13 anyos.

Plano ni Dakay nga mosalmot sa Miss Cebu kung mag-edad na unya siya og 20 anyos. Ug kung palaron siya ug molampos, mosalmot usab siya sa mas dagkong indigay sa kaanyag nga mao ang Bb. Pilipinas nga maoy ticket niya padulong sa mga international pageants sama sa Miss Universe.

Kung motungtong na siya sa college sa sunod tuig, plano niya mokuha og kursong Architecture.

Si Dakay lakip ang iyang court nga si Jhonnette Mae Sabenicio (Binibining Toledo Independence), Trisha Jaynne Nicole Olayvar (1st runner-up), Jillian Monikah Tatad (2nd runner-up) ug Phybbles Mie Autida (3rd runner-up), gipili sa mga banggiitang hurado nga naglakip nilang Philip Rodriguez, Benjie Diola, Bee Urgello, Gil Wagas ug Jenny Gaite diin ang hosts mao sila si Miss Earth 2008 Karla Henry ug ABS-CBN's MagTV Na Host Oj Cimafranca.

Q&A

BNH: Nganong niapil ka sa Bb. Toledo 2014 ug kinsa ang nag-aghat nimo sa pag-apil?

Angel: Niapil ko og Bb.Toledo kay tungod ganahan ko ma-proud ang akong pamilya nako ug para ma-promote nako akong advocacy. Para nako, dili about physical aspects or outer beauty ang mga pageants sama niini. Ang akong mga ginikanan ang nagsilbing inspirasyon ug hinungdan sa pagsalmot nako aning Bb. Toledo, ug mapasalamaton ko sa kanunay nilang pagpaluyo kanako.

BNH: Unsa ang mga preparasyon nga imong gibuhat sa pagsalmot nimo sa Bb. Toledo 2014?

Angel: Una ko ni- salmot aning Bb. Toledo, niagi ko og daghang trainings. Ni-attend ko og workshop: catwalk and Q&A training. Nisugat ko og struggles, pero nagpabilin ko na lig-on sa atubangan sa tanang tawo. There's a quote saying "I hated every seconds of training, but I said DON'T QUIT! GO! SUFFER NOW! And live the rest of your life as a CHAMPION." Mao nang butanga ang akong gibawon sa akong pagsalmot niini ug karon nagbunga kini kay ako ang napili nga Bb.Toledo 2014.

BNH: Karon nga naghupot na ka sa korona, unsa nga adbokasiya ang buot nimo isugyot isip bag-ong ambassador sa Toledo City?

Angel: I know that I'm still young. Ganahan ko magsugod sa akong adbokasiya una sa mga ginagmay’ng butang sama sa pagpatuman og clean-up operation sa Toledo City para ma-maintain ang kalimpyo sa among siyudad. Dili lang usa ang maka-binipisyo aning butanga, kundi and tibuok Toledanos. Makatabang ni para kita mahilayo sa polusyon, para mapreserba atong kalikupan, our Mother Earth. Ug kini mao ang mamahimong key para sa kalambuan sa matag-usa namo sa siyudad sa Toledo.

BNH: Describe Toledo City in one word and why?

Angel: RICH. Datu ang syudad sa Toledo sa culture and heritage nga usa sa mga butang nga gipasigarbo namong mga Toledanos. Ang syudad sa Toledo, usa sa mga naay labing daghang copper, gold ug uban pang mineral. Mao kini ang mga butang nga akong ikapasigarbo that I am living in Toledo City, the Copper City with a Heart of Gold.

BNH: Unsa ang imong plano sa kinabuhi?

Angel: Ganahan ko mupadayon sa akong passion sa Photography. Puhon, ug mahuman na nako akong studies, I'll find a job, magtigum ko para akong magamit pagput-up og business para ma naa koy income and magamit nako to provide the needs of my family and of course para pud sa akong kaugalingon.

Banat Hugyaw: Panghitabo sa imong kinabuhi nga dili nimo makalimtan.

Angel: Ang mapili isip Bb.Toledo is something that I could cherish and remember for all the rest of my life. Dili tanang babaye nganhi sa among siyudad ang makasuway niini. It's rare. Pero, I was lucky nga usa nako ani nga institusyon. Crowned as the first ever Bb.Toledo 2014.

Name:  Angel Mae

Manto- Dakay

Nickname: Angel

Age: 15

Date of Birth: November 28, 1998

Vital Statistics: 32'-24'-32'

Height: 5'4

Favorite song: Skyscraper

Favorite movie:

Pitch Perfect

Favorite TV Station:

ABS-CBN

Celebrity Crush: Louis Tomlinson (usa sa vocalist sa boy band group na "One Direction")

School: Toledo City Science High School

Year level: 4th year high school

Motto: "Love the HUSTLE and appreciate the STRUGGLE"