"Excuse me, kahit kailan, hindi ako natameme sa shooting. Sinasabayan ko palagi ang acting niya," sabi naman ni KC. Bakit daw siya magpapatalbog kay Nini gayung contract star siya ng El Niño. Ano na lang daw ang sasabihin ng kanyang producer kung patatalo sa ibang artistang kinuha lang ng kumpanya?
Sa pelikulang Pukyutan, pareho ang papel ng dalawa. Hindi pumayag ang baguhang bold star na maging supporting lang sa pelikula.
No comment naman siya sa balitang nanliligaw sa kanya ang kaparehang si Jeff Gonzales. Pangiti-ngiti lang si KC at ayaw magsalita. Ayaw daw niyang manggamit ng tao lalo sa pag-ibig. Puso niya ang sinusunod at hindi publicity lang. (Ulat ni Vir Gonzales)