LUCENA CITY, Philippines — Nilooban ng hindi pa nakikilalang mga suspek ang warehouse ng isang shipping lines sa Barangay Talao-Talao sa lungsod na ito kamakalawa.
Ayon sa ulat, bandang alas-12:30 ng hating gabi nang pasukin nang mga kawatan ang Viva Shipping Lines warehouse saka tinangay ang 19 na piraso ng kahoy na narra na tinatayang nagkakahalaga ng ?50,000.
Matagumpay na natangay ng mga suspek ang nasabing mga kahoy at saka tumakas patungo sa hindi pa natutukoy na direksyon.
Sa isinagawang follow-up operation ng mga awtoridad, walong piraso ng kahoy na Narra ang ibinenta at narekober sa isang furniture shop.
Nagsagawa na ang mga awtoridad ng panayam sa may-ari ng furniture shop upang matukoy ang pagkakakilanlan ng mga suspek.