Granada sumambulat: 3 todas, 4 sugatan
2 magkalabang grupo nagrambol…
CAVITE CITY, Cavite, Philippines — Patay ang tatlong katao habang apat ang nasugatan matapos na sumambulat ang isang Granada na dala ng isa suspek, kamakalawa ng gabi sa lungsod na ito.
Kinilala ang mga nasawi na sina Julius Tindoc, 26, delivery boy; Joseph Barrera, 53, barangay tanod; at Mark Gio Layug, 28.
Habang ang mga nasugatan ay sina Erickson Valenzuela; Alejandro Dizon, 45, barangay kagawad, ay dinala sa Philippine General Hospital; Arjay Camacho, 18, high school ay dinala sa Cavite Medical Hospital na nasa mabuti nang kalagayan habang si Reymart Patricio Honra, 18, tricycle driver ay nasa kritikal na kondisyon.
Ang suspek na si Camacho, residente ng Barangay 10-A, ay guwardyado sa ospital habang ang kasama nito na si Daniel Diaz Cruz, 17, ay inaresto matapos ang pagsabog.
Sa ulat na natanggap ni P/Col. Christopher Olazo, Cavite police director na nagkaroon ng rambol ang dalawang grupo sa Benitez St., Barangay 8 Cavite City na nagkahabulan at nagkabatuhan na umabot sa Barangay 10-A.
Pagdating sa katabing lugar, sila ay nakatakdang arestuhin ng mga barangay tanod ng Barangay 11 ay nakita ang isa sa dalawang grupo na may hawak na granada na kung saan ang daliri ay nakalagay sa safety pin.
Binantaan ng suspek ang mga humahabol na mga barangay tanod na aalisin niya ang safety pin kapag lumapit ang mga ito.
Kaya’t muling nagkagulo ang dalawang grupo at dito ay tinanggal ng suspek ang safety pin at sumabog ang granada na nagresulta sa pagkasawi ng tatlong tinedyer.
Dinala na ang isang minor suspect sa City Social Welfare and Development Office of Cavite City para sa disposisyon.
Patuloy ang imbestigasyon ng pulisya kung ano ang dahilan ng away ng dalawang grupong kabataan.
- Latest