BIFF attack sa Ramadan kinondena
MANILA, Philippines — Binatikos ni 2nd District Maguindanao Rep. Esmael “Toto” Mangudadatu ang inilunsad na marahas na pag-atake ng mga miyembro ng Bangsamoro Islamic Freedom Fighters (BIFF) sa panahon ng Ramadan noong Sabado sa Datu Paglas, Maguindanao.
Ayon kay Mangudadatu ang pag-atake ng mga bandidong BIFF sa banal na panahon ng Ramadan ay patunay lamang na wala silang kinikilala at pinangingilagang Diyos o Allah.
“I condemn the act of violence instigated by the BIFF, especially in a time where the whole world is observing the holy month of Ramadan,” pahayag ni Mangudadatu.
Samantalang nakakalungkot din, ayon pa kay Mangudadatu na ilan sa mga recruit ng naturang teroristang grupo ay mga menor-de-edad.
Sinabi ni Mangudadatu na mabuti na lamang na walang hinostage at wala ring nasaktang sa pagpapaputok ng baril ng mga umatakeng armadong BIFF na nasa 200 ang bilang sa public market ng Datu Paglas noong Sabado ng madaling araw.
- Latest