3 ‘tulak’ tiklo sa P.7-M shabu
CAVITE, Philippines — Tatlong pinaniniwalaang bigtime na tulak ng droga ang naaresto ng Bacoor City Police at nakumpiskahan ng halos P.7 milyong shabu sa isinagawang buy-bust operation sa loob ng isang subdivision ng nasabing lungsod.
Kinilala ang tatlong suspek na sina Franco Marquez, nasa hustong gulang, Joji Ian Cano Anomizado at Kasandra Martinez, pawang ng Camella Springville Brgy. Molino 3, Bacoor City, Cavite.
Sa ulat mula kay P/Chief Insp. Ruben Ballera Jr., hepe ng DEU/Intel Section ng Bacoor Police, ala-1:00 ng madaling araw nang ilatag nila ang buy bust operation laban sa target suspek na si Marquez sa nasabing lugar.
Isang asset ang nagpanggap na buyer at nakipag-deal at bumili sa suspek ng shabu na halagang P1,000. Nang maiabot ang droga, dito na inaresto ang suspek kasama ang dalawang kasama nito. Nakumpiska sa kanila ang 9 na plastic sachet ng shabu na nasa 102.73 gramo at may market value na P698,564, at ang P1,000 marked money.
- Latest