5 dakma sa pot session
ANGELES CITY, Pampanga, Philippines - Kalaboso ang binagsakan ng lima-katao makaraang maaktuhan ng mga operatiba ng pulisya sa pot session sa isang bahay na ginawang drug den sa Leen Street, Barangay Cut-Cut sa Angeles City, Pampanga noong Miyerkules ng hapon.
Pormal na kinasuhan ang mga suspek na sina Fernando Lumanlan, Joan Nersy Balboa, kapwa residente sa Barangay Sta. Trinidad; Andy Manio, Dorothy Bolus ng Barangay Cut-Cut; at si Nerissa Buan ng Barangay Pulong Bulo.
Base sa ulat ni P/Chief Insp. Wendel T. Arinas, commander ng Police Community Precinct 5, sinalakay ng mga operatiba ng pulisya ang bahay ni Jon-Jon Miranda matapos makatanggap ng impormasyon na may nagaganap na pot session.
Naaktuhan naman ang mga suspek sa pot session kung saan hindi na nakapalag.
Nakatakas naman ang may-ari ng bahay na si Miranda matapos itong makatunog sa pagsalakay ng pulisya.
Nasamsam sa mga suspek ang isang plastic sachet ng shabu, at mga drug pharrapernalia.
- Latest
