Gasolinahan hinoldap

CAMARINES NORTE, Philippines - Hindi pinaligtas ng tatlong kalalakihan ang maliit na gasolinahan makaraang hol­dapin at tangayan ng malaking halaga sa naganap na panibagong karahasan sa Purok 6, Barangay Lag-on, bayan ng Daet, Camarines Norte kahapon ng madaling araw. Batay sa police report na nakarating sa himpilan ng pulisya, nagpagasolina ang tatlong lalaki na lulan ng motorsiklo malapit sa Ritz Hotel.

Gayon pa man, ilang minuto ang nakalipas ay kaagad na tinutukan ng ice pick ang tumatayong gasoline boy at cashier na si Joseph de Luna ng Barangay Bibirao.

Hindi na pumalag si Joseph sa takot na mapatay. Nagawang tangayin ng mga holdaper ang P7,000 cash, silver necklace at cellphone ng gasoline boy.