Bisor dedo sa pananambang

CAVITE, Philippines - Hindi na umabot ng buhay sa pagamutan ang 47-anyos na misis habang sugatan naman ang mister nito makaraang tambangan ng motorcycle-riding gunmen papauwi sa kahabaan ng highway sa Barangay San Francisco, bayan ng General Trias, Cavite kamakalawa ng gabi. Kinilala ng pulisya ang napatay na si Lorenda Salcedo, supervisor, habang sugatan naman si Remus Salcedo, 45, contractor, kapwa nakatira sa Tierra Nevada Subdivision sa nasabing bayan.  Sa ulat ni PO3 Darwin Manalo, pauwi na ang mga biktimang lulan ng Toyota Innova (WIN-405) nang ratratin ng gunmen pagsapit sa nasabing lugar. Isinugod sa Gentrimed Hospital ang sugatang si Remus dahil habang dinala naman sa Gentri Doctors Hospital si Lorenda subalit idineklarang patay.