3 notoryus tulak-droga, tiklo

NORTH COTABATO, Philippines - - Naghihimas ng rehas na bakal ang tatlong notoryus na drug pusher matapos arestuhin ng mga tauhan ng Phil. Drug enforcement Agency (PDEA) at lokal na pulisya sa inilatag na drug bust operation sa Purok Malipayon, Barangay Ambalgan sa bayan ng Sto. Niño, South Cotabato kamakalawa ng madaling araw. Pormal na kinasuhan ng Sto. Niño PNP ang mga suspek na sina Andungo Ambalgan, ang mag-asawang Abubakar Daomilang at Bai Lyn Daomilang. Nasamsam sa mga suspek ang mga plastic sachet ang shabu na tumitimbang na 75 gramo matapos salakayin ng pinagsanib na puwersa ng South Cotabato PNP, Philippine Drug Enforcement Agency at Provincial Anti Drug Abuse Council ang pamamahay ng mag-asawang Daomilang. Kinumpiska rin ang cal. 45 pistol ,home made 5.56mm revolver at 15-bala ng nabanggit na baril.