MANILA, Philippines — Susubukan ng three-peat champion San Beda Red Lions na walisin ang first round elimination sa pagharap kontra sa Mapua Cardinals ngayon sa pagpapatuloy ng Season 95 NCAA baketball tournament sa FilOil Flying V Arena sa San Juan City.
Sa huli nilang laro, ini-lampaso ng Red Lions ang St. Benilde Blazers, 88-57 noong Biyernes upang palawakin ang winning streak sa walo at mapanatili ang malinis na kartada.
Haharapin ng tropa ni coach Boyet Fernandez ang Intramuros-based Cardinals sa alas-2 ng hapon pagkatapos ng pagtatagpo ng Letran Knights at St. Benilde sa alas-12 ng tanghali. Hangad naman ng San Sebastian Stags ang ika-limang panalo sa pakikipagtuos kontra sa Arellano Chiefs sa alas-4 ng hapon.
Lahat ng mga mala-lakas na koponan ay tinalo na ng Mendiola-based team kabilang ang Bla-zers, Letran (70-66), San Sebastian (73-59) at season 94 runner-up Lyceum (88-73) kaya paborito ang Red Lions na magwagi kontra sa Mapua.
Sa kabilang banda, ang Mapua naman ay galing sa three-game winning streak para umangat sa sosyohan sa 6th hanggang 7th spot kasama ang Jose Rizal Heavy Bombers sa parehong 3-5 card.
Nagwagi ang Mapua ni coach Randy Alcantara laban sa Arellano, 73-64 at sinundan ng panalo kontra sa Emilio Aguinaldo Gene-rals, 76-66. Ang huli nilang tinalo ay ang Jose Rizal Heavy Bombers, 83-63 noong Agosto 16.
Sa junior’s division, magtatagpo rin ang SBU Red Cubs (7-1) at Mapua Red Robins (3-5) sa alas-10 ng umaga habang mag-tatapat naman ang Arellano Braves (5-3) at San Sebastian Staglets (2-5) sa alas-6 ng gabi.