UST, FEU dikit pa rin sa No. 3
MANILA, Philippines — Kapwa nanatili sa sosyuhan sa ikatlongf puwesto ang Far Eastern University Lady Tamaraws at University of Santo Tomas Tigresses matapos magwagi sa parehong straight sets sa magkahiwalay na laban kahapon sa Season 81 UAAP Volleyball Tournament sa FilOil Flying V Center sa San Juan City.
Muling pinadapa ng Tigresses ang University of the Philippines Lady Maroons, 25-21, 25-12, 26-24 habang tuluyan nang winakasan ng Lady Tamaraws ang pag-asa ng National University Lady Bulldogs, 25-21, 25-19, 25-22 sa ibang laro.
Dahil sa kanilang panalo, kapwa nakasiguro na ang Tigresses at Lady Tamaraws ng playoff para sa huling semifinal berth sa parehong 8-4 win-loss kartada at manatili sa third spot sa likuran ng Ateneo Lady Eagles (10-1) at three-peat champion De La Salle Lady Spikers (8-3).
Samantala, sa men’s side, kinumpleto ng Ateneo Blue Eagles at Adamson Falcons ang Final Four cast matapos magwagi sa magkahiwalay na laban.
Nilampaso ng Blue Eagles ang UST Growling Tigers, 25-22, 25-17, 25-19 habang pinataob naman ng Soaring Falcons ang UE Red Warriors sa parehong straight sets, 27-25, 25-17, 25-15 upang umabante sa semis kasama ang nagdedepensang NU Bulldogs (10-1) at FEU Tamaraws (9-2).
- Latest
