Iguodala lalaro sa Game 3
OAKLAND, California — Nakumpleto ni Golden State Warriors forward Andre Iguodala ang isang individual workout na walang nararamdamang sakit at maaari nang maglaro sa NBA Finals.
Wala pang katiyakan kung maaari nang sumama si Iguodala sa active roster ng Golden State para sa Game Three sa Cleveland sa Huwebes (Manila time).
Tumakbo si Iguodala nang walang anumang naramdamang sakit at maikukunsidera ni head coach Steve Kerr sa NBA Finals.
“I am to play in Game 3, but I’ve aimed to play in Game 2 and Game 3. We’ll just have to see,” wika ni Iguodala sa ESPN.
Nagkaroon si Iguodala ng bone bruise sa kanyang kaliwang tuhod sa Game Three ng Western Conference finals at hindi na nakalaro sa huling anim na laban ng Warriors.
Sinabi ni Kerr na matapos ang Game Two ay optimistiko ang Golden State na makakalaro na si Iguodala.
- Latest
