^

Beristain: Pacquiao tatalunin si Bradley

Russell Cadayona (Pilipino Star Ngayon) - February 1, 2016 - 9:00am

MANILA, Philippines – Kagaya ng kanilang ikalawang pagkikita noong Abril ng 2014, muling  tatalunin ni Manny Pacquiao si Timothy Bradley Jr. sa pangatlo nilang pagtutuos sa Abril 9 sa MGM Grand sa Las Vegas, Nevada.

Ito ang pahayag ni Nacho Beristain, ang chief trainer ni Mexican world four-division titlist Juan Manuel Marquez, kaugnay sa ‘trilogy’ ng 37-anyos na si Pacquiao at ng 33-anyos na si Bradley.

Ayon kay Beristain, tiyak siyang walang ipapakitang bagong istilo si Bradley, ang kasalukuyang World Boxing Organization welterweight king, sa muli niyang pagharap kay Pacquiao.

“No, I do not think Bradley will have a greater opportunity to get the win because Bradley is the same fighter with that stinking, fast and difficult style,” opinyon ni Beristain.

At maski ang paghugot ni Bradley kay Teddy Atlas bilang bagong trainer ay hindi makakatulong sa kanya para talunin ang world eight-divison champion na si Pacquiao.

“I do not think Teddy Atlas will create a change of such magnitude that Pacquiao is going to leave boxing with a loss,” dagdag ng Mexican cornerman.

Tinalo ni Bradley si Pacquiao mula sa kontrobersyal na split decision sa una nilang pagkikita noong Hunyo ng 2012 bago nakaresbak si ‘Pacman’ sa pamamagitan ng unanimous decision win sa rematch nila noong Abril ng 2014.

Sinabi ni Pacquiao na ito na ang magiging pinakahuli niyang laban bago tuluyang magretiro at tutukan ang kanyang political career.

Sinabi ni Beristain, iginiya si Marquez sa sixth-round KO victory kay Pacquiao noong Disyembre ng 2012, na hindi papayag si Pacquiao na lisanin ang boxing na isang talunan.

ABRIL ACIRC ANG BERISTAIN BRADLEY JUAN MANUEL MARQUEZ LAS VEGAS MANNY PACQUIAO NACHO BERISTAIN PACQUIAO TEDDY ATLAS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with