Baldwin sa PSA Forum
MANILA, Philippines – Ang darating na kampanya ng Gilas Pilipinas sa Olympic Qualifying Tournament at ang hosting ng bansa sa event ang pag-uusapan ngayong umaga sa Philippine Sportswriters Association (PSA) Forum sa Shakey’s Malate.
Pamumunuan ni team manager Butch Antonio ang pagtalakay kasama si coach Tab Baldwin sa public sports program na isinasaere nang LIVE sa DZSR Sports Radio 918.
Makakasama rin ng dalawang top basketball personalities sa session na inihahandog ng San Miguel Corp., Accel, Shakey’s at Philippine Amusement and Gaming Corp. sina volleyball players Bea Tan, Charo Soriano, at Jovelyn Gonzaga para sa Beach Volleyball Republic Tour na nakatakda sa Jan. 30-31 sa Ilocos Sur.
Bibisita rin sa forum sina Andres Alisuag ng Team Ganit at Rose Landicho ng Lima Park Hotel para sa Batangas Earth and Fire duathlon sa Balete, Batangas .
- Latest
