FEU Tamaraws sa PSA Forum
MANILA, Philippines – Dadalaw ang bagong UAAP champion na Far Eastern University at si dating world champion Ana ‘The Hurricane’ Julaton sa Philippine Sportswriters Association (PSA) Forum ngayong umaga sa Shakey’s Malate.
Makakasama ni FEU athletic director Mark Molina ang ibang players at miyembro ng coaching staff ng Tamaraws sa public sports program na isinasaere sa DZSR Sports Radio 918 para ikuwento ang kanilang panalo sa University of Sto. Tomas sa katatapos na Season 78 men’s basketball championship series.
Tatalakayin naman ni Julaton kasama ang kanyang manager na si Angelo Reyes ang pagsabak sa ONE Championship event sa Mall of Asia Arena.
Ang iba pang magiging bisita sa sports forum na suportado ng San Miguel Corp., Accel, Shakey’s at Philippine Amusement and Gaming Corp. ay ang mga opisyales ng National Golf Association of the Philippines (NGAP) at si boxer Giemel Magramo na lalabanan si Jeny Buca para sa World Boxing Council international flyweight title.
- Latest
