Semis cast selyado na sa Tornadoes
ATan (Pilipino Star Ngayon) - November 10, 2015 - 9:00am

MANILA, Philippines – Napahirapan man ay nakaya pa rin ng Foton Tornadoes ang pabagsakin ang Meralco Power Spikers sa kinuhang 25-18, 18-25, 14-25, 25-16, 15-8  panalo sa 2015 Phi­lippine SuperLiga (PSL) Grand Prix volleyball tournament kagabi sa The Arena sa San Juan City.

May 24 puntos si Lindsay Stalzer at nakipagtu­lungan siya kay Jaja Santiago sa mahalagang fifth set upang maisulong sa apat ang kanilang winning streak at 5-3 karta na nagbigay ng huling upuan sa semifinals sa ligang inorganisa ng SportsCore na handog ng Asics at Milo at suportado pa ng Mikasa, Senoh at Mueller na napapanood din sa TV5.

“We became compla­cent after the first set and almost paid for it. We should never underestimate our opponent,” wika ni  Foton coach Vilet Ponce de Leon.

May 20 kills at 3 blocks si Stalzer habang si Santiago ay tumapos taglay ang 14 puntos na kinatampukan ng tatlong aces.

Apat na puntos ang kanyang pinakawalan sa 9-3 run para maipagpag ang Meralco matapos huling dumikit sa 6-5 iskor.

Si Kathleen Messing ay may 13 puntos, kasama ang 11 kills, habang si Kayla Williams ay may tatlong blocks tungo sa walong puntos at si Ivy Perez ay may 12 excellent sets bukod sa tatlong aces.

Si Christina Alessi ay naglista ng 16 kills tungo sa 18 puntos habang tig-13 sina Mika Reyes at Mary Joy Baron para sa Power Spikers na hindi pa rin nananalo matapos ang walong laro.

ACIRC ANG FOTON TORNADOES GRAND PRIX IVY PEREZ JAJA SANTIAGO KAYLA WILLIAMS LINDSAY STALZER MARY JOY BARON MERALCO POWER SPIKERS MIKA REYES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with