Mapua ginitla ang San Beda

Laro sa Huwebes

(The Arena, San Juan City)

4 p.m. Letran vs Perpetual Help (srs)      

6 p.m. Lyceum vs St. Benilde (srs)

MANILA, Philippines - Naudlot ang plano ng San Beda na mahawa­kan ang ‘twice-to-beat’ ad­vantage sa Final Four nang matalo sa kulelat na Mapua, 81-76, sa 89th NCAA men’s basketball ka­gabi sa The Arena sa San Juan City.

Isang 16-5 palitan ang gi­nawa ng Cardinals para tabunan ang 65-71 iskor at wakasan ang 13-sunod nilang pagkatalo.

Si Jessie Saitanan ay may 18 puntos at siya ang na­muno sa arangkada ng Ma­pua.

Nakatulong din ang mga free throws nina Jeson Ray Cantos, Joseph Eriobu at Kenneth Ighalo para sa ikalawang panalo ng Cardinals.

Ang unang tagumpay ng Mapua ay noong Hulyo 1 laban sa San Sebastian.

Si Mark Brana ay nag­hatid ng 14 puntos at 10 re­bounds para sa Cardinals na kumawala ng 28 pun­tos  sa huling 10 minuto para ma­balewala ang 11 puntos na kalamangan ng Red Lions matapos ang tatlong yugto, 64-53.

Si Arthur dela Cruz ay may 23 puntos at ang tres niya ang nagpatabla sa San Beda sa 74-74.

May isa pang tabla sa 76-76 bago nagtuwang si­na Saitanan at Carlos Isit para kunin ang 78-76.

Mapua 81 - Saitanan 18, Brana 14, Isit 11, Magsigay 9, Cantos 9, Eriobu 8, Ighalo 7, Estrella 5, Biteng 0, Gabo 0, Gonzales 0, Magtoto 0.

San Beda 76 - Dela Cruz 23, Dela Rosa 17, Adeogon 8, Amer 7, Koga 7, Abarcar 5, Ludivice 3, Villaruz 2, Abatayo 2, Pascual 2, A. Se­merad 0, D. Semerad 0, Mendoza 0, Sara 0.

Quarterscores: 13-24; 35-39; 53-64; 81-76.