Rain or Shine ibabalik si Reid
QH (Pilipino Star Ngayon) - July 24, 2013 - 12:00am

MANILA, Philippines - Apat na imports na may sukat na 6-5 ang nasa bansa na para  sa darating na 2013 PBA Governors Cup na magsisimula sa Agosto 14.

Ang Governors Cup ay magiging isang blitz tournament kung saan ang dalawang mangungulelat na koponan ay kaagad masisibak sa single-round ng eliminations.

Ang top four finishers ay magdadala ng twice-to-beat advantage laban sa apat pang mas mababang koponan sa isang reverse crossover pairings na No. 1 vs. No. 8, No. 2 vs. No. 7, No. 3 vs. No. 6 at No. 4 vs. No. 5.

Ang apat na survivors ang maglalaro sa dalawang best-of-five semifinal series kung saan ang dalawang mananalo ang maglalaban sa best-of-seven finals.

Ibabalik ng Rain Or Shine si import Arizona Reid na may taas na 6-3 sa pagsukat sa kanya noong Hulyo 16. 

Ang 27-anyos na si Reid ay ang Best Import sa 2010-11 Governors Cup kung saan siya nagtala ng mga averages na 28.7 points at 15.5 rebounds para sa Elasto Painters na tumapos na pang lima. 

Ipaparada naman ng Globalport si Markeith Cummings ng Kennesaw State sa Georgia.

Gagamitin ng Ginebra San Miguel si Dior Lowhorn ng University of San Francisco na naging ikaapat na all-time top scorer sa kanyang eskuwelahan sa nakolektang 2,003 points. 

Ibabandera ng Barako Bull si Mike Singletary na naglaro sa Texas Tech.

ANG GOVERNORS CUP ARIZONA REID BARAKO BULL BEST IMPORT DIOR LOWHORN ELASTO PAINTERS GINEBRA SAN MIGUEL GOVERNORS CUP KENNESAW STATE MARKEITH CUMMINGS
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with