Pawang nakasuot ng face mask ang mga pasahero mula sa Guangzhou, China sa kanilang pagdating sa NAIA bilang proteksyon kaugnay sa coronavirus na sinasabing umaatake sa naturang bansa.
Rudy Santos
NAIA naka-heightened alert
Butch Quejada (Pilipino Star Ngayon) - January 23, 2020 - 12:00am

MANILA, Philippines —Nasa heightened alert ang tatlong international terminal sa Ninoy Aquino International Airport (NAIA) dahil sa misteryosong sakit na umusbong  sa China kaya naman nakahanda ang mga awtoridad dito sa pagsala ng mga international passengers  partikular ang mga galing China, Hongkong, Taiwan at sa kalapit bansa ng mga ito.

Sinabi ni MIAA general manager Ed Monreal, na nakahanda ang kanyang tanggapan na tumulong at sumuporta sa Department of Health partikular sa Human Quarantine sa paliparan.

“Binigyan natin ng babala ang mga nasa loob ng paliparan partikular ang mga empleyado ng iba’t ibang ahensiya na magsuot ng mga ‘mask’ para proteksiyonan ang kanilang mga sarili dahil ang misteryosong sakit ay ‘airborne.’

Sinabi ni Monreal, may pa-lagay ang mga doktor partikular sa pinanggalingan ng sakit na ito na ang misteryosong sakit ay ‘coronavirus’ kaya nananawagan siyang mag-ingat ang lahat ng mga nasa paliparan maging sa iba’t ibang international airport sa bansa na proteksiyonan ang kanilang mga sarili.

‘Kung may mga nararam­daman ang ating mga kaba­bayan ay huwag nang magbakasali kailangan pumunta agad sila sa mga doktor para magpatingin at malapatan ng kaukulang lunas sila.’ sabi ni Monreal.

DOH ED MONREAL NAIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with