Bebot itinumba
MANILA, Philippines – Dead on arrival sa ospital ang isang babae makaraang patraydor na pagbabarilin sa likuran ng hindi mabatid na salarin sa Quezon City, kahapon ng madaling araw.
Base sa ulat ni PO2 Rhic Roldan Pittong ng Quezon City Police District-Criminal Investigation Unit (QCPD-CIDU) ang biktima ay nakilalang si Ashley Grace Mallari, dalaga, ng Purok 3, Mangga St., Brgy. Culiat, sa lungsod.
Sa inisyal na imbestigasyon, nangyari ang insidente sa Purok 2, Sertisa, Luzon Avenue, Brgy. Culiat, Quezon City, ganap na alas-4 ng madaling araw.
Sa pagsisiyasat, ang biktima ay nagtamo ng tama ng bala sa kanyang likuran at likod ng kanyang ulo na ugat ng kanyang kamatayan.
Patuloy ang imbestigasyon ng mga awtoridad sa nasabing insidente upang matukoy ang salarin sa krimen.
- Latest
