Call center agent nagbigti

MANILA, Philippines - Isang call center ang nagbigti gamit ang nylon cord sa lungsod Quezon, iniulat kahapon.

Ayon kay PO2 Julius Raz, may-hawak ng kaso, ang biktimang si Raffy Cometa, 26, ay nagawa pang maitakbo ng kanyang pamilya sa ospital pero idineklara rin dead-on-arrival sa Fairview General Hospital.

Sa ulat, alas 11 kamakalawa ng umaga nang madiskubre ng kanyang tatay na si Mang Hercules ang biktima sa loob ng kanyang kuwarto na nasa 2nd floor ng St. Joseph St., Bgy. Payatas A, sa lungsod.

Gigisingin sana ng kanyang tatay ang biktima para mananghalian nang mapuna nito ang pintuan na nakasara ng alambre.

Sa kabila ng ilang ulit na pagtawag sa biktima ay hindi ito tumutugon dahilan para puwersahing buksan ni Mang Hercules ang pinto at bumulaga sa kanyang harapan ang nakabiting katawan ng anak.

Blangko naman ang otoridad sa dahilan ng pagpapakamatay ng biktima.