Abril 25, 2018

TAURUS: (Abr. 20-May. 20) Ang inaakalang tama noon ay mali pala. Kung may suliranin sa nakaraan na hindi nalutas, ngayon magkakaroon ng magandang pagkakataon na ito’y masolusyunan. Sa hindi inaasahang pagkakataon ay may matutuklasang lihim. Lucky numbers at color for the day ay 5, 11, 22, 34 at violet.

GEMINI : (May.21-Hun. 21) Huwag pag-aksayahan ng panahon ang walang kuwentang isyu. Okay lang ang iniisip na makipagkomprontasyon para maipahayag at maiparating ang katwiran, ngunit gawin ito sa makatuwiran at mahinahong paraan. Ang inaasahan ay maluwalhati at tahimik na darating. Lucky numbers at color for the day ay 9, 16, 33, 40 at mustard yellow.

CANCER: (Hun. 22-Hul. 22) Pakinggan ang suhestiyon ng mga kaibigan, kung inaakalang makakatulong ito sa sarili. Sundin ang kutob at hindi magkakamali. Isang mahalagang bagay na matagal nang hinahanap ang lilitaw. Lucky numbers at color for the day ay 13, 24, 31, 40 at orange.

LEO : (Hul. 23-Ago. 22) Hindi maiaalis ang intriga sa trabaho, kaya’t huwag na lamang itong pansinin. Kung may taglay na suliranin, tanging mga magulang ang makakatulong sa iyo. Huwag kimkimin ang suliranin o maghinanakit dahil ito ang magiging sanhi ng sakit. Lucky numbers at color for the day ay 8, 12, 16, 34 at aquamarine.

VIRGO: (Ago. 23-Set.23) Maging tapat sa sarili at sa kapwa. Huwag paniwalaan at patulan ang mga pamimika nang maiwasan ang hindi pagkakaunawaan. Huwag mang-agaw o mang-angkin ng hindi mo pag-aari. Lucky numbers at color for the day ay 10, 22, 30, 34 at white.

LIBRA: (Set.  24-Okt. 23) Isaisantabi muna ang sosyalan at harapin ang suliranin ng pamilya o pansarili. Aani ng malaking suporta kung ang ipinaglalaban ang katarungan at alinsunod sa magandang asal. Lucky numbers at color for the day ay 4, 11, 36, 43 at emerald green.

SCORPIO: (Okt. 24-Nob. 22) Huwag isantabi ang problema ng kapatid, kaanak o sariling anak. Ang mga bagay na napabayaan ay mapag-uukulan ng panahon para maipagpatuloy at matapos. Huwag pakawalan ang magandang pagkakataong dudulog. Lucky numbers at color for the day ay 5, 12, 40, 41 at magenta.

SAGITTARIUS: (Nob. 23-Dis. 21) Iwasan ang kasamahang ipapasubo ka sa kapahamakan. Isang kaanak ang nangangailangan ng patnubay subalit dahil sa impluwensya ng barkada ay sadyang ipagwawalang bahala ito. Lucky numbers at color for the day ay 11, 29, 31, 37 at yellow gold.

CAPRICORN: (Dis. 22-Ene. 19) Ihanda ang sarili at maging matatag. Ang gipit na sitwasyon ay malalampasan kung hahanapan ng tamang solusyon. Magkakaroon ng balakid at hindi ito matutupad. Lucky numbers at color for the day ay 10, 18, 21, 39 at rust.

AQUARIUS: ( Ene. 20-Peb. 18) Magiging malakas ang bugso ng damdamin tungkol sa pag-ibig. Ang pakikipag-date ay inaayunan ng panahon. Malakas ang karisma at magneto ng pagkatao na magagamit sa pakikipagtransaksyon. Lucky numbers at color for the day ay 12, 14, 24, 27 at platinum white.

PISCES: (Peb. 19-Mar. 20) Huwag pilitin ang sarili sa anumang hakbang kung may alinlangan. Mag-ingat sa pagpapahayag ng tunay na damdamin nang maiwasan ang naka-ambang gulo o makasugat ng damdamin. Lucky numbers at color for the day ay 7, 12, 21, 22 at cream.

ARIES: (Mar. 21-Abr. 19) Iwasan ang matuyuan ng pawis lalo sa likod. Maaaring ang kalusugan ay humingi ng karagdagang pansin at pagpapahalaga. Magpa-check-up sa doctor kung may dinaramdam para hindi lumala. Lucky numbers at color for the day ay 4, 15, 29, 42 at midnight blue.