MANILA, Philippines — Kabilang si Calamba Mayor Ross Rizal sa mga kinilala sa kahanga-hangang pamamahala sa isinagawang “Boses ng Bayan” performance survey ng RP-Mission and Development Foundation Inc. (RPMD).
Nakakuha si Mayor Rizal ng iskor na 89.83% at pasok sa top performing mayors sa Pilipinas.
Nanguna rito sina Quezon City Mayor Joy Belmonte (94.08%), Candon City Mayor Eric Singson (93.31%), Malabon Mayor Jeannie Sandoval (93.16%), Iloilo City Mayor Jerry Treñas (93.07%) at Dumaguete City Mayor Ipe Remollo (93.05%).
Kinilala rin ang kahusayan nina Baguio City Mayor Benjamin Magalong (92.53%), Talisay City, Negros Occidental Mayor Neil Lizares (92.51%); Maasin City Mayor Nikko Mercado (91.72%); Talisay City, Cebu Mayor Samsam Gullas Jr. (91.54%); at Baybay City Mayor Jose Carlos Cari (91.51%).
Gayundin sina Lapu-Lapu City Mayor Ahong Chan (90.78%), Ozamis City Mayor Indy Oaminal (90.74%).
Sinuri ang mga alkalde sa kanilang paghahatid ng serbisyo, katalinuhan sa pananalapi, pag-unlad ng ekonomiya, leadership governance, pangangalaga sa kapaligiran, hakbangin sa lipunan at aktibong pakikipag-ugnayan sa kanilang constituent.
Isinagawa ang survey mula Sept. 20-30, 2023 sa 10,000 respondents nationwide.