Panelo: Immigration officials na isinasangkot sa suhulang 'pastillas' sibak
MANILA, Philippines — Kinumpirma ng Malacañang na ipinatatanggal na sa serbisyo ni Pangulong Rodrigo Duterte ang ilang opisyales na iniuugnay sa panibagong kontrobersiya ng suhulan sa loob ng Bureau of Immigration.
Ang balita ay kinumpirma ngayong Huwebes ni presidential spokesperson Salvador Panelo sa isang press briefing.
JUST IN: Panelo: President Duterte has relieved all officials and employees of the Bureau of Immigration who are allegedly involved in the latest bribery scheme @PhilippineStar @PhilstarNews
— Alexis B. Romero (@alexisbromero) February 20, 2020
Ika-17 ng Pebrero nang isiwalat ni Sen. Risa Hontiveros ang P10,000 "service fee" na ibinabayad ng ilang Chinese nationals sa immigration officials para mapadali ang pagpasok nila sa Pilipinas.
Ipinangalan sa matamis na milk candy ang modus operandi dahil ibinabalot daw sa bond paper na parang pastillas ang perang pampadulas.
Iniuugnay din ang nasabing katiwalian sa patuloy na pag-arangkada ng industriyang Philippine Offshore Gaming Operators sa Pilipinas, kung saan nagtratrabaho ang maraming Tsino.
Ayon kay Panelo, "grave from of corruption" daw ang nasabing isyu at hindi kailanman kukunsintihin ng gobyerno.
Nakatakda namang talakayin ng Gabinete ang nasabing usapin sa susunod nilang pulong. — may mga ulat mula kay The STAR/Alexis Romero
Abangan ang mga karagdagang detalye sa balitang ito.
- Latest
