^

Bansa

Malinis na record bentahe ni Rep. Leni

Butch M. Quejada - Pilipino Star Ngayon

MANILA, Philippines - Kumpiyansa si dating Quezon Rep. Erin Tañada na malaki ang maitutulong ng malinis na record at kakayahan ni Camarines Sur Rep. Leni Robredo para manalo bilang bise presidente sa 2016 elections.

Isa si Tañada sa mga nagsusulong ng signature campaign para hikayatin si Cong. Robredo na tumakbo bilang bise presidente ng Liberal Party sa darating na halalan.

Layon ng mga tagasuporta ni Robredo na makakalap ng isang milyong lagda upang ipakita sa mambabatas ang malakas na panawagan para siya’y tumakbo bilang bise presidente.

“Tiwala ako na malaki ang maitutulong ni Cong. Robredo bilang bise presidente. Naniniwala kami na mayroon pang pagkakataon na kumbinsihin siyang tumakbo bilang bise presidente,” wika ni Tañada.

Noong Martes, inilunsad ang signature campaign sa Baseco Compound sa Maynila na dinaluhan ng 150 katao.

Ayon pa kay Tañada, magsasagawa rin sila ng signature campaign sa iba’t ibang bahagi ng bansa, tulad ng Davao, La Union, Nueva Ecija, Quezon, Bicol, Bukidnon, Surigao at Ifugao.

Isusulong din ni Tañada ang nominasyon ni Robredo bilang vice presidential candidate sa National Executive Council ng Liberal Party.

Aminado si Tañada na sa ngayon, mababa pa ang rating ni Cong. Leni ngunit tiwala siyang aangat ito kapag nagdeklara na bilang vice presidential candidate.

ATILDE

BASECO COMPOUND

BILANG

CAMARINES SUR REP

ERIN TA

LA UNION

LENI ROBREDO

LIBERAL PARTY

NATIONAL EXECUTIVE COUNCIL

NOONG MARTES

ROBREDO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with