GF Itinatago ang Relasyon sa BF

Dear Vanezza,

Gusto ko pong pormal na umakyat ng ligaw noon sa classmate ko, pero ayaw niya dahil bawal pa raw siyang makipagnobyo. Pero sinagot pa rin niya ako ng lihim dahil natatakot siyang mapagalitan ng parents niya. Kaya sa school na lang kami nag-uusap. Kung pumupunta kami sa mall ay lagi kaming tumatakbo kapag may nakakakilala sa aming kamag-anak niya. Ayaw ko na pong itago ang GF ko, pero nakikiusap siyang magkunwari kaming nagliligawan pa lamang kapag pumunta ako sa bahay nila. Ano ba ang dapat kong gawin? – Rico

Dear Rico,

I-encourage mo ang GF mo na magsabi ng totoo para hindi na kayo nagtatago. Mas magkakaroon ka ng pabor sa magulang niya kung magpapakilala na ikaw ang BF. Upang maging legal ang inyong relasyon. Maging handa sa puwedeng mangyari ang mahalaga ay makita ng parents niya ang iyong tunay na intensyon sa anak nila.

Sumasainyo,

Vanezza