Cellphone na nahulog sa dagat, ibinalik ng whale

Sa ilang bahagi ng karagatan sa Europe, madalas na makakakita ng mga beluga whale na may harness. Ayon sa eksperto, inilagay ito ng mga taga-Norway, Denmark, o Greenland para sa research. Ganun pa man, marami ang duda dito at nagsasabing ang mga beluga whale na ito ay trained by the Russian navy upang maging spy sa mga kalapit na bansa.

Ganun pa man, walang dudang marami ang natutuwa sa kanilang kabaitan at pagiging malapit sa tao.

Kamakailan lamang ay nag-trending ang beluga whale na nagbalik ng cellphone.

Aksidenteng nahulog ng isang babae ang kanyang cellphone sa sinasakyan nitong bangka. Laking gulat niya nang makitang may papalapit na whale sa sinasakyan nito na may bitbit na cellphone sa bunganga.

Marami ang nagulat sa ipinakitang ito ng whale dahil hindi lamang sila palakaibigan kung hindi well mannered din.