Kalyo sa paa
Kung minsan ay ating napapabayaan ang ating mga paa. Importanteng pangalagaan ito dahil ito ang nagdadala sa atin sa magagandang lugar.
Makikita rin sa paa ang iba’t ibang feet points na pwedeng masahihin sakaling manakit ang ibang parte ng katawan.
Hindi naman maiwasang magkakalyo ang ating mga paa lalo’t tayo ay babad sa trabaho at mabibigat na gawain.
Narito ang ilang tips upang maalis ang matitigas at makakating kalyo sa paa:
1. Paghaluin ang ¼ cup na Listerine, ¼ cup na suka, at ½ cup ng maligamgam na tubig sa lagayan. Ibabad ang paa sa nasabing mixture ng 10 hanggang 15 minuto. Pagkatapos nito ay punasan na lang ang apektadong bahagi ng balat dahil kusang mahuhulog na ang mga kalyo. ‘Wag itong tatanggalin ng pwersahan.
2. Bago matulog, maglagay ng balat ng lemon sa paa. Pwede itong ipasok sa medyas para hindi matanggal. Kinabukasan, palitan ito ng bagong lemon peel. Gawin lang ito araw-araw hanggang sa mawala ang kalyo.
3. Magbabad ng bulak sa apple cider vinegar. Pagkatapos nito ay ilagay ang bulak sa paang may kalyo at iwan ito habang nagpapahinga (apat na oras). Kinabukasan ay pwede na itong hilurin.
(Paalala: H’wag gawin ang mga nasabing tips kung may sugat at allergy.)
- Latest
