Isinumpang Nilalang
Pinangangambahan ngayon ng mga residente sa Sultan Kudarat ang pagsilang diumano sa isang kakaibang nilalang.
Nagulat ang magsasaka na si Josephine Repique, 40, may-ari ng isang buntis na kambing, nang magsilang ito ng kalahating-tao at kalahating-baboy.
Ayon sa mga residente, baka raw may dulot itong sumpa at tinawag pa nilang anak ng demonyo.
Dalawa ang inilabas na supling ng nasabing kambing at ang isa naman dito ay normal.
“Nagulat kami, hindi namin maipaliwanag ang hitsura. Lahat ng kapitbahay namin nagsipunta sa bahay para masaksihan iyon,” pagkukuwento ni Josephine.
Walang balahibo ang nasabing nilalang at meron pa itong pusod na parang sa isang taong sanggol.
Ayon naman sa doktor na si Agapita Salces mula sa Institute of Animal Science of the University of the Philippines, hindi ito imposibleng mangyari dahil maaaring nagkaroon lamang ng genetic mutation ang inahing kambing habang nasa loob pa ng sinapupunan ang mga anak. Maaari rin daw na nakakuha ito ng sakit sa mga kagat ng lamok, sanhi para magkaroon ito ng kakaibang hitsura.
Namatay ang tatlong kambing at agad itong inilibing.
- Latest
