Pangarap na Maging Mayaman

Sa rami ng magtatapos sa pag-aaral na mga estudyante, kalimitang itinatanong sa kanila kung ano ang gusto nilang trabaho paglaki.

Ang  madalas na sagot ng estudyante ay ang maging engineer, doctor, nurse, lawyer, accountant, teacher.

Maging sa mga interview  ng mga  aplikante sa papasukang trabaho ay ganito rin ang madalas itanong sa mga indibidwal.

At kung may  sampung  estudyante na tinanu­ngan, isa lang ang sumagot na gusto nitong maging matagumpay na negosyante tulad ng kanyang nanay o tatay. Dahil sa siyam na kinausap ay napapaligiran sila ng professional na tao sa pamilya o kumunidad. Malaki ang pagkakaiba sa piniling  profession, kumpara sa pangarap na yumama. At ito ay mangyayari lamang sa pamamagitan ng tamang kaalaman sa negosyo.

Kita n’yo naman ‘yung ibang nagtitinda ng isda, taho, puto, sapatos, at kung  anu-anong maliit na negosyo ay mga big time na ngayon. Ang eskuwelahan ay may malaking  impluwensiya na dapat  ituro ang entrepreneurship para mai-promote ang employment culture sa mga estudyante. Pero kailan lang nagkaroon ng kursong entrepreneuship na hiwalay na kurso.

Akala ng marami, ang negosyo ay suwerte-suwerte lang, kaya ang solusyon ay pag-aral ang katangian ng mga entrepreneur na mapalad na nagtagumpay sa kanilang negosyo.