Kaibiganin ang Anak

MANILA, Philippines - Ang mga magulang ay sobrang busy sa kanilang trabaho kaya wala nang oras sa mga anak, samantalang ang mga bata ay matatalino na ngayon at magaling nang magtago ng mga sekreto kina nanay at tatay para hindi malaman ang kanilang mali o kapilyuhang ginagawa.

Pinapayuhan ang mga parents na hanggang maaari ay isama ang mga bata sa kanilang mga lakad kung kinakailangan. Hindi lang parang recreation o  maaaliw ang mga bata, kundi magsisilbing bonding ng mga anak at magulang. Upang samantalahin ang oras na makausap at maabot ang pangangailangan ng mga anak. Kung mayroon dapat pag-usapan tungkol sa kanilang mga pag-aaral, hobbies, crushes, love life, at desisyon na sa simpleng kuwentuhan ay  para malaman at makuha ang saloobin o problema ng mga bata.

Isang wise na hakbang sa mga tatay na dini-date ang kanilang mga anak na babae, lalo na sa  mga importanteng  okasyon. Para madebelop ang parental friendship sa pagitan ng mga prinsesa ng tahanan at makuha ang kanilang mga puso na magtiwala at madama nila ang presensiya ng isang tatay sa kanilang buhay. 

Ang mga magulang na walang panahon para sa mga bata sa sobrang kabisihan na kadalasan ay ibinibigay din ng mga anak ang kanilang oras, puso, at pagtitiwala sa ibang tao o bagay.