May LQ pa sina Lolo at Lola

Dear Vanezza,

Hindi ko alam kung matatawa o maiiyak ako sa desisyon ng mga magulang ko. Kung kelan pa nagsitanda sa edad na 73 at 75 years old ay saka nagbabalak lagi na maghiwalay. Parehong ayaw na nilang makita at makasama ang isa’t isa. Dahil sa awayan nila kahit 100 years ago pa  ang pinagtatalunan nila na pilit pa rin nilang inuungkat ang kani-kanilang kasalanan. Nagbabati rin naman sila kaso kapag may LQ na ang mga lolo at lola ay nagbabatuhan ng dumi ng kanilang nakaraan. Kaya ang ending, parehong gustong umuwi sa kani-kanilang probinsiya tuwing nag-aaway sila. Hindi naman nila iniiwan ang isa’t isa pero nakalulungkot kapag nag-aaway ang mga lolo at lola na naririnig ng mga apo nila.  – Miguel

Dear Miguel,

Hindi lang naman mga mas nakababata ang nakara­ranas ng lovers quarrel. Pero ang maganda hanggang ngayon ay magkasama pa rin sila.  Hayaan mo lang ang mga matatanda dahil hindi rin naman nila matitiis ang mawala ang isa’t isa.  Baka puwedeng paalalahanan silang magpatawaran na kapag nilalambing mo na ang iyong magulang kahit sa ganyan nilang edad.

Sumasainyo,

Vanezza