Walang Boto sa Nobyo

Dear Vanezza,

Ako po ay si Beng, 32 years old at may BF ako na 34 years old. Nagbabalak na po kaming pakasal sa susunod na taon. Ang problema ko ay walang boto sa kanya mula sa pamilya ko at mga kaibigan. Maganda ang trabaho ko dahil regular akong empleyado. Samantalang ang BF ko ay isang  construction worker.  Minsan may trabaho, minsan wala. Aminado ako na may pagka-bitter at insecure ang nobyo ko dahil sa sitwasyon namin. Mahal ko naman siya, pero kasi feeling ko ay maiiwan na ako sa biyahe at gusto ko na ring magkaanak. Ano po ang gagawin ko? -Beng

Dear Beng,

Hindi mo masisisi ang pamilya at kaibigan mo dahil may mayroon silang nararamdamang negatibo sa BF mo na hindi mo nakikita. Hindi rin sapat  na dahilan na gusto mo  nang mag-asawa dahil may edad ka na at gusto mo nang magkaanak.

Maging bukas ang iyong pang-unawa at kausapin ang iyong pamilya lalo na ang iyong ina, para mapayuhan ka ng dapat mong malaman. Tiyak na ayaw lang nilang mapunta ka sa lalaking hindi mo deserve.

Sumasaiyo,

Vanezza