Ugali: Buking sa Blood Type

Alam n’yo bang ang ating blood type ay nagsasaad ng ating pag-uugali? Ang konseptong ito ay mula sa mga Japanese. Parang zodiac sign ang blood type, puwedeng makita kung sino ang ka-compatible. Mayroong kompanya na ginugrupo ang empleyado sa pamamagitan ng blood type. Pinagsasama-sama ang blood type na magka-compatible para maging maayos ang trabaho.

Type O: Mga sociable at outgoing. Laging sila ang nagpapasimula o nagpapauso. Pero kung minsan ay may ugaling hindi tinatapos ang gawaing sinimulan. May sapat na tiwala sa sarili. Madalas ay nagiging popular dahil gusto niya ay lagi siyang center of attraction.

Type A: Sa lahat ng blood groups, ang Type A ang pinaka-artistic. Sila ay perfectionist, tapat makisama, mapagkakatiwalaan, mahiyain at sensitive.

Type B: Kabaliktaran ng Type O, hindi titigil ang Type B hangga’t hindi niya natatapos ang gawaing sinimulan niya. Malakas ang loob, result oriented at sisikaping umasenso ang buhay sa pamamagitan ng sariling pagsisikap. Hindi siya mahilig manggamit ng impluwensiya ng iba para lang makuha ang gusto.

Type AB: Sa lahat ng blood groups, sila ang may tendency na magkaroon ng split personality. Halimbawa, outgoing pero mahiyain; may tiwala sa sarili pero hindi palakibo. With or without split personality sila ay mahilig tumulong sa kapwa, mapagkakatiwalaan at responsible.  Next: Compatibility by blood groups.