Tekla makakatulog na uli!

Makakatulog na nang mahimbing at makakapagtrabaho na nang maayos ang komedyanteng si Super Tekla.

Pinaboran ng TV host na si Raffy Tulfo ang panig ni Tekla nang magsumbong sa kanya ang live-in partner ng komedyante na si Michelle Bana-ag.  Lumabas ang katotohanang walang kasalanan si Tekla sa akusasyon ng partner.

Nangako pa naman si Raffy  na tutulungan ang anak ni Michelle kapag napatunayang hindi siya nagdodroga. Dahil ayaw, goodbye na ang pramis ni Raffy. At ilalapit sa DSWD ang sitwasyon para sa kapakanan ng anak kapag nagda-drugs siya.

As of this writing, hiniwalayan na ni Super Tekla si Michelle.

Matatandaang sa isang vlog ni Donita Nose na friend ni Tekla, ipinakita niya ang kalooban ng condo niya na tila binaboy at nilagyan ng maraming basura at kalat!

Sa totoo lang, pati nga ang netizens ay kampi kay Tekla sa pangyayari, huh! Kaya isara na ang isyu dahil  walang katotohanan ang akusasyon kay  Tekla !