Derek hindi lang basta annulled, null and void na sa dating asawa

Kinumpirma ni Atty. Joji Alonzo na null and void na ang previous marriage ni Derek Ramsay which means “officially single” ang aktor at puwedeng magpakasal muli.

Sa isang IG post ni Derek kasi ay may nagkomento na “I hope Derek will be annuled legally para mas lalong masaya.”

Sinagot naman ito ng aktor na “I am dear.”

May isang netizen na hindi yata makapaniwala at nagkomento ng “maybe he meant ‘I am happy’” at dito na sumagot ang abogado ni Derek at may-ari ng Quantum Films.

“Derek’s marriage has long been declared null and void,” pagkumpirma ni Atty. Joji.

Sumagot ang netizen na wala siyang negative na ibig sabihin sa kanyang komento at sinagot din ito ni Atty. Joji and explained na hindi annulled ang tamang term na gamitin sa naunang kasal ni Derek kung hindi “null and void.”

Ani Atty. Joji, “Yes po, nothing negative in your comment. I just wanted to clarify that when @ramsayderek07 replied ‘I am dear’, he wasn’t referring to his state of being happy. He was confirming the fact that he is no longer married to anyone. His marriage has not been annulled. That is an incorrect term. His marriage has been declared null and void.”

Matatandaang taong 2002 nang ikasal si Derek kay Mary Christine Jolly pero naghiwalay din. Nagkaroon sila ng isang anak, si Austin na ngayon ay 16 years old na at nasa poder ni Derek.

Matatandaan ding nagkaroon ng court battle ang estranged couple noong 2014 na natapos sa amicable settlement. That time ay hindi naging malinaw na ‘null and void’ na ang kanilang kasal.

Kaya naman mabuti rin na naungkat ito ngayon dahil marami ang hindi nakakaalam na legally single na pala si Derek.

Voltes V Legacy, hinihintay nang mapanood!

Get ready to “Volt In” dahil magkakaroon ng big comeback sa Kapuso Network ang well-loved anime series na Voltes V. Ipinasilip na ng GMA-7 ang teaser ng live action adaptation ng anime na tatawaging Voltes V Legacy.

Umabot agad sa mahigit 1.2 million views ang teaser nito sa Facebook at excited na ang fans ng series sa proyektong ito. Marami ang namangha sa quality ng special effects na napanood sa teaser. Kaya naman nakatutok na ang fans sa susunod na update sa programang ito na siguradong paghahandaang mabuti ng GMA-7.