Half sisters sinorpresa si Igan
MANILA, Philippines - Ngayong Miyerkules, ang mga bida ng highest rating na Kapuso afternoon soap opera na The Half Sisters, sa kauna-unahang pagkakataon ay bibisitahin si Igan sa Tonight with Arnold Clavio!
Alamin kung sing-bait at sing-amo nga ba ni Diana si Barbie Forteza sa totoong buhay. May tinatago rin kaya siyang “kalog side?” Baka masaksihan ito sa munting surpresang inihanda ni Igan para sa nalalapit na kaarawan ni Barbie!
Si Ashley naman na kinamumuhian ng marami, siguradong kabaliktaran ng tunay na pagkatao ni Thea Tolentino. Iyan ang makukumpirma ni Igan sa kanilang kwentuhan tungkol sa pamilya, love life, at personal na buhay ng dalawa! At hindi lang sa drama mahusay ang half sisters dahil magpapasiklab din sina Thea at Barbie sa pagpapatawa!
Siyempre, hindi lang ‘yan, makakasama rin sa episode ang world class singer na si Ima Castro. Maaalalang tulad ni Lea Salonga ay gumanap din siyang Kim sa broadway musical na Miss Saigon. Abangan ang espesyal na pagkantang ihahandog niya sa TWAC ngayong Miyerkules, July 29, sa Tonight with Arnold Clavio, 10:15PM sa GMA News TV.
- Latest
