Comedians na walang trabaho puwede kay Michael V.!
MANILA, Philippines - Kuntento na si Michael V. Nakaka-move on na sila sa Bubble Gang kahit nilayasan na ni Ogie Alcasid. Nabigyan tuloy ng break ang ibang kasamahang komedyante sa Kapuso gag show, tulad nina Bentong, Diego, Moymoy Palaboy, Paolo Contis, at iba pa. Mahalaga lang talaga na maghanap ng mga bagong joke.
Maraming komedyanteng walang raket ngayon. Puwede silang kunin para makadagdag tawa sa mga manonood, ’di ba, Michael V.? Nakakasawa kasi kapag paulit-ulit na lang ang napapanood. Iba naman, marami pa sila riyan.
Ipakita rin sana na hindi mukhang sa iisang silid lang nagaganap ang bawat taping ng Bubble Gang para mas maganda.
Mike Magat relihiyoso na, dedma muna sa mga babae
Masaya ang birthday ni Mike Magat (Sept. 22). Marami kasing raket ngayon ang aktor. Karamihan, mga basketball game, kasama ng ibang tropang artista, na dumadalaw sila sa iba’t ibang probinsiya.
Suwerte si Mike, napasama sa My Husband’s Lover na patok ngayon. Kapareha roon ni Mike si Karel Marquez. Aktibo ang aktor sa kanyang religious activities. Etsapuwera muna raw ang chicks na nangungulit sa kanya sa cell phone.
- Latest
