Kilalanin kung sino ang ‘hater’ mo

NARITO ang 10 senyales na maaaring nagpapakita na ang isang tao ay naiinggit o galit sa iyo, kahit hindi nila ito diretsahang ipinakikita:

1. Kapag may magandang nangyari sa’yo (promo, bagong gamit, achievements), halata mong pilit ang pagbati nila o sadyang ‘di ka babatiin.

2. Kahit maliit na bagay, pinapansin nila at ginagawang negatibo, parang gusto nilang iparamdam na hindi ka totoong magaling.

3. Ginagaya ang kilos, estilo, o pananalita mo pero may kasamang panglalait o biro para matawa ang iba sa iyo.

4. Minsang close kayo, pero ngayon ay umiwas, malamig, o ‘di na gaanong nakikipag-usap.

5. Kapag may mga maling impormasyon o paninira tungkol sa iyo, bigla mong malalaman na sila ang pinanggagalingan o tagapasa ng paninira.

6. Kapag may proyekto kang napagtagumpayan, sila ‘yung hindi nagli-like,  o hindi nagpapakita ng suporta, kahit “magkaibigan”  kayo.

7. Madalas ka nilang ikinukumpara sa mas “magaling” o “mas successful” na tao, para pasimpleng ipamukha na hindi ka kasing galing ng mga iyon.

8. Yung “biro” nila ay may halong panlalait, tapos sasabihing “joke lang!” pero ramdam mong totoo ang intensyon.

9. Sa halip na makisaya, lagi nilang gustong higitan ka o ipakitang mas magaling sila.

10. Kahit anong kabutihan ang gawin mo, hindi nila iyon pinahahalagahan  upang iparamdam na hindi ka importante.