‘Kuwago’ (Part 6)

HINDI naman ako ­nagpahalata kay Karla na kinilabutan nang makita ang kuwago na nasa hawla. Talagang kinakabahan ako kapag nakakita ng kuwago—iba ang ­nararamdaman ko.

Si Karla ay naging kaibigan ko nang magkasama kami sa isang ­kompanya—una kong trabaho. ­Pareho pa kami single noon.

Hanggang sa nagulat ako nang sabihin na mag-aasawa na siya. Buntis na raw siya. Si Danny ang ama, kababata niya at kaklase noong nasa high school.

Ang labis kong ikinalungkot ay walang trabaho si Danny. Hindi na ako nakatiis noon at sinabihan siya. “Paano ka bubuhayin e walang trabaho ang asawa mo. Tapos magkakaanak pa kayo.”

Napatungo na lang si Karla.

“Narito na e. Hindi na ako makakaatras. Isa pa mahal ko naman siya.’’

Kinuha niya akong kumare.

Hanggang sa hindi na kami nagkita. Lumipat na kasi ako ng trabaho. Pero nagtatawagan kami ni Karla.

Hanggang sa malaman ko na nagbitiw siya sa trabaho.

Lumipas ang isang taon na hindi kami nagkita hanggang sa i-text ako at sinabing dalawin ko siya sa Tondo.

Pinuntahan ko. Naawa ako sa kalagayan ni Karla. Maliit ang inuupahan. Halatang hikahos.

At pagtungo ko nga roon, nakita ko ang kuwago sa hawla.

Kinabahan ako nang todo!

(Itutuloy)