China’s police desk sa Philippines my Philippines

SINO kaya ang nagtutulak na magkaroon ng China desks sa mga police stations sa Philippines my Philippines?

May mga pa-bright-bright na nakaisip nito noong una kaya naman ang kauna-unahang China desks sa mga istasyon ng pulisya ay inilunsad noong 2020. 

Anyare?

Hindi natuloy dahil sangkaterba ang bumatikos sa kalokohang gagawin.

Mukhang gusto talagang magpasakop ng gobyerno ng Philippines my Philippines sa China hindi pa sila natuto sa nangyaring pang-aagaw ng ating mga isla sa WPS.

Ano ba ito? 

Ayon sa mga bright, tahimik diumanong pinag-uusapan ng PNP at ang kanilang counterpart law sa China ang tungkol sa pansit este mali pagse-set up pala ng China desks sa mga istasyon ng pulisya na inilaan para sa mga Chinese nationals na nandidito sa Philippines my Philippines.

Naku ha!

Ano ba ito?

Sino na namang bright ang may pakulo nito?

Alam ba ng mga bright na mag-eeleksiyon na? Baka magising kayo sa kangkungan at doon pulutin ang mga kandidato ninyo? 

Ano kaya ang naisip ng mga pa bright-bright?

Para raw matugunan ang pag-aalala tungkol sa pagprotekta ng overseas Chinese nationals at organisasyon ng mga ito.

Totoo kayang pinag-usapan ito nina PNP chief Gen. Guillermo Eleazar at Director Genegal Wei Xiaohun ng international Cooperation Department ng China’s Ministry of Public Sacurity? 

Ano sa palagay ninyo makabubuti ba ito sa madlang Pinoy sa Philippines my Philippines?