Engineer sa UK, humarurot sakay ng basurahan

NAGTALA ang British engineer na si Andy Jennings ng bagong world record matapos siyang humarurot ng halos 70kph habang sakay ng isang basurahan.

Nagawa niya ito sa pamamagitan ng paglalagay sa basurahan ng makina ng motor, gear box, ignition, bike seat, at steering na kinuha niya mula sa isang scooter.

Umabot sa higit 69 kilometro kada oras ang bilis ni Andy habang sakay ng basurahan nang pinaharurot niya ito sa Elvington Airfield sa York, England.

Ayon sa kanya, ginawa niya ang record attempt para sa alaala ng kanyang best friend na si  Ben Ellis na namayapa nito lamang nakaraang Hunyo.

Alam daw niyang ipagmamalaki raw siya nito para sa kanyang nagawa kung nabubuhay pa ito.