Holdaper sa Germany, nagbigay ng 20-oras na closing statement bago sinentensiyahan
ISANG 71-anyos na lalaki sa Germany na convicted sa salang bank robbery ang nagbigay ng closing statement na tumagal ng 20 oras bago siya binasahan ng sentensiya.
Tatlong banko ang hinoldap ni Michael Jauernik, noong 2011 at isa ngayong taon. Namaril din siya dahilan upang masugatan ng malubha ang isa sa mga empleyado ng banko.
Ngunit bago nasentensiyahan si Jauernik na mabilanggo ng 12 at kalahating taon at karagdagan pang pagkakakulong ay nakapagbigay pa siya ng 20-oras na closing statement kung saan ipinagmalaki pa niya ang naging career niya bilang kriminal.
Sa lagay na iyon, hindi pa siya pinatapos ng judge, na nagsisi kung bakit ba hindi niya kaagad pinutol ang paliguy-ligoy na kuwento ni Jauernik.
- Latest