Problema ang parking

Matagal na ngayon ang problema nating

marami ang kotse wala namang parking;

sa lahat ng lugar saanman dumating

trapik sa lansangan ay nakakalasing!

Malaki’t maliit nating subdivision

kotse’t mga trak ang nagkalat ngayon;

mga kabataang papasok sa school

maglakad maglaro wala nang panahon!

Malaking kalye katulad ng EDSA

ay trapik na trapik saanman papunta;

ang sitwasyong ito’y naiwasan sana

kung may wastong parking mayaman at dukha!

Saka wasto parin mungkahi ng ilan

pagbili ng kotse dapat limitahan;

isa o dalawa sapat na raw

at dapat may parking nasabing sasakyan!